नटुरेको अर्थ

(अङ्ग्रेजी पढाउने शिक्षकलाई केटाले छुट्टि भएपछि सोध्यो)
सर : नटुरेको अर्थ के हो ?
शिक्षक : नटुरे ? उसको प्रश्नले शिक्षक अकमक्क परे । कुरा टार्न उनले भोलि भनौँला भने । उनले त्यो रातभरि पूरै डिक्सनरी अध्ययन गरे तर नटुरे शब्द कहीँ भेटेनन् ।

(भोलिपल्ट त्यो केटाले फेरी स्कुल छुट्टि भएपछि बाटोमा सोध्यो)
केटो : सर, नटुरेको अर्थ आज भन्छु भन्नुभएको होइन ?
त्यो दिन पनि शिक्षकले उत्तर भन्न सकेनन्, कुरा टारे । यसरी त्यो केटाले दिनदिनै त्यही प्रश्न सोधेर हैरान पारेपछि शिक्षक लाजले अर्कै बाटो हिँड्न थाले । तर, एकदिन केटाले शिक्षकलाई भेट्यो र फेरी त्यही प्रश्न सोध्यो ।

(दिक्क हुँदै शिक्षकले उसलाई सोधे)
शिक्षक : नटुरेको यसको स्पेलिङ के हुुन्छ ?
केटो : nature ।
शिक्षक : (रिसले चुर हुँदै) गोरु ! मलाई बेकुफ बनाइस् हैन ? नेचरलाई नटुरे भनेर मेरो ज्यान खाइस् । प्रिन्सिपललाई भनेर अब तँलाई स्कुलबाट ननिकाली छाडेदिनँ ।
केटो : (शिक्षकको खुट्टा समातेर रुँदै) सर प्लिज, तेसो नगर्नुस् मेरो फुटुरे(future) खराब हुन्छ ।

Leave a Comment

Your email address will not be published.